15.03.2025

வாலிபனே, தேவனை கிட்டிச்சேர ‘உன் விசுவாசமே’ தேவை!

 தேவன் உங்களுக்கு வெகு தூரமானவர் என ஜனங்களை நம்பவைத்த பிசாசு ஓர் கொடூர பொல்லாங்கன்! தேவனை நீங்கள் கிட்டிச்சேர வேண்டிய தேவை எவ்வளவு அதிகம் இருக்கிறதோ, அந்த அளவிற்கு அதிகமாய் அவனது பொய்யின் வஞ்சகத்தை நம் மனதில் புகுத்திட தீவிரம் கொள்கிறான். நான் ஒருசமயம், சுகவீனமான என் மனைவியைவிட்டு சுமார் 7-மணி நேர பிரயாண இடைவெளியில் இருந்தபோது என் உள்ளம் மிகவும் சோர்ந்துபோனது! ஆனால் நான் ஊழியம் செய்த கிராமத்தில் டெலிபோன் இருப்பதை அறிந்து, அங்கு ஓடோடிச் சென்று என் மனைவியிடம் 2-நிமிடத்திற்குள் தொடர்பு கொண்டு ஒருவருக்கொருவர் பேசிக்கொண்டோம்! ஆம், சோர்வுற்ற என் மனைவி பெலனடைந்து தன் பூரண மகிழ்ச்சியை என்னிடம் பகிர்ந்து கொண்டாள்.... நானும் என் மனஉளைச்சலிலிருந்து அந்த சில நிமிடங்களில் வெளியே வந்து விட்டேன்! இதில் என்ன இரகசியம்? எனக்கும் என் மனைவிக்கும் ஒரு டெலிபோன் அளவு தூரமே இடைவெளி இருந்தது என்பதுதான்!

 ஏன்? தேவனோடு தொடர்பு கொண்டு அவரிடம் இவையனைத்தையும் தெரியப்படுத்தி சமாதானம் பெற்றிருக்கலாமே? சமாதானம் பெறும் வார்த்தை, இவர்கள் உதட்டிற்கும் இவர்கள் இருதயத்திற்கும் உள்ள இடைவெளி தூரமே உள்ளது என்பதை இவர்கள் அறியாது இருந்த மடமையே அதற்கு காரணமாகும்! இருதயத்தில் உள்ள தொடர்பு வயர் சரியாக இருக்கும் பட்சத்தில், தேவனுடைய செவிகள் இவர்களின் “ஜெப வார்த்தைகளை” கேட்பதற்கு மிகுந்த ஆர்வமும் ஆயத்தமும் உள்ளதாகவே இருக்கிறது.

 ஒரே ஒரு நிபந்தனை! வானத்தையும் பூமியையும் இணைப்பதுபோல், உங்கள் உதட்டையும், தேவன் தங்கியிருக்கும் உங்கள் இருதயத்தையும் இணைப்பதற்கு தேவையான, சுமார் ஒரு அடி மாத்திரமே தூரம் உள்ள அந்த தொலைபேசி வயர் என்ன தெரியுமா? “உங்கள் விசுவாசமே” அந்த தொடர்பு வயர்! கர்த்தரையே சார்ந்து கொள்ளும் விசுவாசமே, உங்களையும் இரட்சித்து, உங்கள் தேவைகளையும் நிறைவாய் பூர்த்தி செய்திடும்!

- வாலிபம் இயேசுவுக்கே